Këto foto janë shkëputur nga “katrahura” e shërbimit të transportit publik në Tiranë. Njerëzit pa maska, pa distancë, e urbane me kapacitet të tejmbushur, është panorama më e zakonshme gjatë udhëtimeve me transportin publik në kryeqytet.
Kjo është situata me të cilën qytetarët duhet të përballen çdo mëngjes për të arritur në vendin e punës dhe për të çuar fëmijët në shkollë. Prej disa ditësh kompanitë e transportit publik po operojnë me kapacitet të përgjysmuar të urbaneve, ndërsa siç shihet edhe nga pamjet e siguruar nga gijotina.com, ky vendim ka shkaktuar kaos nga qytetarët dhe ka përkeqësuar situatën në stacione dhe brenda urbaneve. Të moshuar e të rinj detyrohen të ngelen mes dyerve, disa të varur e një grumbull tjetër brenda urbanit duhet të qëndrojnë ngjeshur me njeri tjetrin, ndërkohë shteti nuk ka marrë asnjë masë për këtë situatë. Edhe pse qytetarët duhet ta paguajnë taksa të posaçme për këtë shërbim, kjo është gjendja në të cilën ndodhemi.
Qytetarët aludojnë se përgjysmimi i kapaciteteve të urbanëve u bë në shkëmbim të rritjes më tej çmimin e biletave dhe aboneve, ndërkohë që qytetarët kanë gjithnjë e më pak alternativa për të udhëtuar.
Sakaq respektimi i masave anti-covid është pothuajse i papërfillshëm.
Shumë prej tyre detyrohen që të dalin çdo ditë me mjete private, gjë e cila ndikon dukshëm në trafikun e kryeqytetit, ku çdo orar gjatë ditës duket se është kthyer në një ferr për shoferët.
Shoqata Kombëtare e Transportit kërkon plotësimin e 4 kërkesave financiare , si: Kompensimi i tarifës të biletës njëpërdorimshme 30 lekë/biletë; Kompensimi i biletës të pajtimit mujor, abone e përgjithshme në masën 600 lekë/ abone; Kompensim i biletës së pajtimit mujor abone linje, 600 lekë/abone; Kompensim të tarifës për biletën e studentit. A.L/ gijotina.com
