Skuadra e Barcelonës ka gjetur më në fund fitoren e parë në ligën e kampionëve. Katalanasit kanë triumfuar në shtëpi ndaj Dinamovës së Kievit me rezultatin minimal 1-0. Goli i vetëm i takimit u shënua nga kapiteni Gerard Pike në minutën e 36 të takimit pas asistit të Jordi Albës. Spanjollët dominuan takimin por nuk i’a dolen të shënonin golin e sigurisë.
Trajneri Roland Kuman hodhi në fushë disa futbollistë të cilët nuk kanë patur shumë minuta në dispozicion teksa mori prej tyre sinjale pozitive. Katalanasit luajnë në fundjave sfidën ndaj Real Madrid dhe kursimi i energjive ishte një tjetër faktor për të cilin u kujdes trajneri Kuman.
