Skuadra e Romës synon fitoren e radhës në Konferencë Ligë. Verdhekuqtë përballen ndaj skuadrës norvegjeze të Bodo/Glimit që mban vendin e dytë në grupin C. Italianët janë favorit absolut në këtë përballje dhe trajneri Jose Murinjo ka bërë rrotacion. Në këtë duel do të startojë nga minuta e parë mbrojtësi i kombëtares shqiptare, Marash Kumbulla. Futbollisti është aktivizuar në dy ndeshjet e para në këtë kompeticion teksa në kampionat nuk ka debutuar ende nën urdhrat e trajnerit Jose Murinjo.
Sidoqoftë aktivizimi në sfidat e konferencë ligë duhet të shrytëzohet në maksimum nga futbollisti kuq e zi i cili ka një punë shumë të madhe përpara për të bindur tekniku luzitan të fitojë vendin e titullarit për sfidat e kampionatit. Kumbulla është paraqitur mjaft mirë me kombëtaren shqiptare në kualifikueset e kampionatit botëror dhe kërkon rolin e protagonistit tek Roma.
