Milani sfidon në transfertë skuadrën e Bolonjës ku do të synojë të marrë fitoren e radhës në kampionat. Natyrisht që klima nuk është shumë positive për shkak të disfatës në champions por në Serie A kuqezinjtë kanë treguar tjetër nivel. Në vigjilje të kësaj përballje trajneri Stefano Pioli ka analizuar skuadrën e tij dhe zbuloi nëse Ibra do të luajë në këtë ndeshje.
Përballja me Mihajloviç
“Mihajloviç dhe unë jemi ballafaquar me njëri-tjetrin për tre vjet, do të thotë që ka programe afatgjate në të dy klubet. Futbolli përbëhet nga hapa, ndryshime, momente. Na pret një kundërshtar shumë i koncentruar dhe plot cilësi”.
Si ishin 48 orët pas Portos?
“Ishin 48 orët e zakonshme, ne analizuam lojën. Tani jemi të fokusuar te kampionati, kemi tre ndeshje themelore”.
Rreth Ibrës
“Ibra duhet të luajë dhe të stërvitet. Ai është duke u stërvitur me ne për një javë të mirë. Minutat do të shtohen, unë ende duhet të vendos se kush do të fillojë mes tij dhe Zhiru’’.
Të dëmtuarit
“Në krahasim me Porton, Konti dhe Kastijeho janë rikuperuar. Kesi dhe Rebiç nuk do të jenë me skuadrën’’.
Nesër 100 ndeshjeve në stolin e Milanit
“Jam i fokusuar tek ndeshja, nuk e dija për këtë qëllim. Është normale që është bukur të jem këtu, ndihem mirë me të gjithë dhe jam i lumtur. Sezoni është ende shumë i gjatë dhe ne duhet kemi forcën për vazhdimësi”.
A është e mundur që nesër të shohim dy sulmuesit Ibra-Zhiru së bashku?
Gjendja aktuale e Ibra dhe Zhiru nuk na lejon të luajmë me dy sulmuesit, kur të jenë në gjendje të mirë fizike mund të luajnë së bashku.
Bolonja
“Me Lacion fituan duke pritur kundërshtarin të gabojë. Jemi të përgatitur për çdo situatë, do të nxisim të lëvizin sa më shumë në fushë’’, mbylli fjalën e tij Pioli.
