Transferimi i bujshëm te Real Madrid i Eden Hazard rezultoi të ishte shumë i pafat për të dyja palët. Madrilenët shpenzuan një shifër të frikshme për të, teksa lojtari u detyrua të qëndronte për shumë kohë jashtë fushave dhe nuk shfrytëzoi dot mundësinë e të qenurit pjesë e ‘Los Blancos’.
Belgu pati dëmtime të një pas njëshme dhe në këtë mënyrë ai humbi shkëlqimin e dikurshëm të lojtarit që kërkohej nga çdo klub i madh.
Te çdo skuadër ku ka luajtur ai ka qenë ndër më të mirët, përfshirë këtu edhe Chelsean. Së fundmi ‘El Pais’ raporton se ai është drejt rikthimit te ‘Blutë’ e Londrës.
Sipas kësaj mediaje, Hazard është gati që të lërë Spanjën për klubin e Premier League, në mënyrë që të rikthejë formën e mirë dhe të shijojë vitet që i kanë mbetur në futboll./K.T/Gijotina.com
