Trajneri i Egnatias, Gugash Magani është shfaqur shumë i zhgënjyer pas disfatës së ekipit të tij ndaj Teutës, në takimin e javës së gjashtë të Superligës.
Duke folur pas kësaj ndeshjeje ai ka hedhur akuza edhe ndaj arbitrave, për të cilët tha se nuk ishin të nivelit të duhur.
“E kam të vështirë të gjej alibi për humbjen sot, pasi ishim vendosur mjaft mirë dhe mjaft të organizuar në fushën e lojës. Më vjen keq që u ndëshkuam nga ai episod i penalltisë. Nuk kam vërejtje për atë vendim të arbitrit, por për lojën në tërësi, pasi arbitrimi nuk iu përgjigj nivelit të lojës në fushë. Ne jemi një skuadër e re, por e organizuar shumë mirë dhe me elementë cilësorë, ndaj arbitrat nuk duhet të na shohin si të vegjël. Edhe në Laç, por edhe më herët, arbitrat nuk janë treguar korrektë në sjelljen ndaj nesh”,-tha tekniku.
Ky takim u mbyll me fitoren e Teutës në transfertë me rezultatin 0-1, ndërsa ekipi i Rrogozhinës nuk mundi që të tregonte forcën me kampionët ende në fuqi të Shqipërisë./K.T/Gijotina.com
