Trajneri i Kastriotit Ramadan Nreu ka thënë se kjo humbje i dhemb shumë, duke pasur parasysh se ekipi i tij luftoi gjatë gjithë takimit.
Në konferencën pas ndeshjes së krutanëve me Laçin, Ndreu theksoi se ishin të përgatitur për forcën e kundërshtarëve, por sipas tij fati nuk ishte në anën e tyre, pasi iu anulua edhe një gol si pozicion jashtë loje,
“Ishte një ndeshje e vështirë dhe ua kisha thënë lojtarëve edhe më përpara, që të mos gënjehen nga renditja e Laçit. Kundërshtari ka shumë cilësi dhe unë doja shumë të mos e humbnim këtë ndeshje. Deri diku e arritëm, pasi u përballëm si të barabartë dhe ndoshta edhe superiorë në momente të caktuara, por më vjen keq për atë episod që na ndëshkoi”,-theksoi Ndreu.
Ndërsa ndeshja midis Kastriotit dhe Laçit u mbyll me rezultatin minimal 0-1, që në njëfarë mënyre i ndihmon shumë kurbinasit që të ngrihen nga ‘gremina’ ku ndodheshin./K.T/Gijotina.com
