Një aksident ka ndodhur mbrëmjen e sotme në qytetin e Vlorës, në zonën e quajtur “Lungo Mare” ku një automjet tip “Skoda” ka përplasur një shpërndarës picash me motor.
I aksidentuar ka mbetur vetëm djali që drejtonte motorin, i cili është marrë me ambulancë për një kontroll më të detajuar dhe që fatmirësisht ndodhet jashtë rrezikut për jetën. Burime pranë spitalit bëjnë me dije se i lënduari ka pësuar disa dëmtime të lehta.
Ne vendngjarje kanë mbërritur edhe forcat e policisë për zbardhjen e detajeve të ngjarjes.
