Gjykata e Apelit në Trikala ka dënuar me 28 vite burg një 50-vjeçar shqiptar.
50-vjeçari ka abuzuar seksualisht me dy vajza të mitura, njëra prej tyre mbesa e tij. Ai ka abuzuar me një 6-vjeçare, duke e ngacmuar me gjeste seksuale. Vajza e vogël njoftoi familjarët e saj për ngacmimin, të cilët më pas bënë dhe denoncimin shqiptarit, me të cilin kishim marrëdhënie gjaku.
Sipas gazetës “Eleftheria” 50-vjeçari, emri i të cilin nuk bëhet me dije, ka abuzuar dhe me një 7-vjeçare për 4 vite.
Gjatë gjyqit ishin të pranishme, nënat e të miturave të cilat u shfaqën të shokuara nga ngjarja, e kërkonin dënimin e shqiptarit. Ai ka pranuar veprimet ndaj 7-vjeçares, por në lidhje me vajzën tjetër ka mohuar gjithçka. Në përfundim të seancës gjyqësore, ai u dënua me 28 vite burg për akuzat “Abuzim me vajza të mitura” dhe “Marrëdhënie seksuale me një të mitur kundrejt pagesës”, gjithashtu dhe me një gjobë prej 36 mijë eurosh.
Sipas asaj që raportojnë mediat vendase atje, shqiptari është baba i 4 vajzave.
