Një 30-vjeçar shqiptar, me banim në Guidonia Montecello, pranë Romës, për të cilin gjykata italiane caktoi masën e sigurisë “arrest shtëpie”, është paraqitur në një stacion policie, e ka kërkuar që ta përfundojë dënimin në ambientet e burgut, me argumentin se e ka të pamundur të qëndrojë në një shtëpi me bashkëshorten e tij.
“Nuk mund ta duroj më, burgu është më i mirë ”- kishte thënë shqiptari.
Fillimisht, u trajtua si një shaka, por më pas, shqiptari përsëriste me ngulm se nuk e përballonte dot më bashkëjetesën me gruan, e për këtë arsye, preferoi të arratisej duke u paraqitur para karabinierëve për të kërkuar vuajtjen e dënimit pas hekurave.
Organi gjyqësor, i vënë në dijeni të situatës, urdhëroi transferimin e tij në burg.
