Familjarët e biznesmenit Demir Backa që u ekzekutua mbrëmjen e djeshme në Fier, kanë ngritur akuza ndaj policisë. Ata mbërritën menjëherë në vendin e ngjarjes pak minuta pas atentatit dhe janë përplasur me policinë. Të afërmit e viktimës iu janë drejtuar policëve me fjalët: ‘Mos u afroni se do t’ju vras’, ‘S’kemi nevojë për shtet’.
Irritimi i tyre erdhi për faktin se policia ka qenë pranë vendit ku ndodhi ngjarja dhe nuk kanë bërë asgjë për kapjen e autorëve.
Në video dëgjohet zëri i një burri që iu drejtohet policëve me fjalët: “Ishe aty more dhe e vranë”, “Ishe aty, si nuk keni turp”, “Vranë një biznesmen”. Zhdukuni se iu shqeva, zhdukuni se do ju vrasim, ikni se u q***, nuk kemi nevojë për shtetin ne. Ikni bq… erdhi polic te dera jonë do ju vrasim, kush polic vjen në derë të shtëpisë do ju vrasim”.
Sakaq, policia nuk ka identifikuar asnjë prej autorëve të ngjarjes, ndërsa nuk ka ende një pistë të qartë hetimi për eliminimin e tij. 57-vjeçari, që njihej ndryshe si Dem ose Agim Backa u vra nga breshëritë e Kallashnikovit me 16 plumba ndërsa ishte në makinën e tij tip “Audi”. Vrasësit iu afruan me makinë dhe qëlluan me breshëri në një kryqëzim të Fierit, duke i shkaktuar vdekjen pak orë më pas.
Makina me të cilin udhëtonin ata, u gjet e djegur në afërsi të Bypass-it të Fierit. Brenda mjetit është gjetur një Kallashnikov dhe një pistoletë, që mendohet se janë përdorur për ekzekutimin e Demir Buckës.
Hetimet janë përqendruar ne te shkuarën e Demir Backës. Raportimet thonë se ai ka pasur një konflikt me një person, i cili ishte subjekt i OFL në Fier, por ende asgjë nuk është saktësuar nga autoritetet.
