Skuadra e Dinamos ka marrë tre pikë të arta në fushën e vështirë të Skënderbeut dhe ngjitet në kuotën e 9 pikëve në kampionat. Kryeqytetasit fituan me shifrat minimale 1-0 ndaj korçarëve që pësojnë humbjen e radhës në Abisnet Superiore. Skuadra e trajnerit Bledi Shkëmbi shënoi golin e vetëm të takimit në pjesën e dytë me autor Chinedu i cili i dhuroi suksesin e dytë sezonal skuadrës së sapongjitur në Superiore.
Sulmuesi u tregua i saktë në brendësi të zonës duke dërguar topin në cepin më të largët të portës. Dinamo i’a doli të mbronte rezultatin deri në fundin e takimit dhe mori një fitore me shumë vlera duke lënë pas disfatën ndaj Vllaznisë e cila ngriti shumë pikëpyetje mbi cilësitë e Dinamos.
