Ish-lojtari i Kombëtares italiane, Antonio Cassano ka komentuar së fundmi deklaratat e trajnerit të Romës, Jose Mourinhos në lidhje me Marash Kumbullën dhe lojtarët e tjerë që aktivizoi në ndeshjen kundër Bodo/ Glimt, e cila u humb me rezultatin 6-1.
Mourinho tha se këta emra duhet të luajnë në Seria B dhe shtoi se janë skandalozë. Këto deklarata ishin sidomos të drejtuara ndaj mbrojtësit të Kombëtares ‘Kuqezi’.
Duke folur për ‘Bobo TV’ Cassano theksoi se fjalët e Mourinhos kanë shkatërruar Kumbullën dhe shton se portugezi nuk ka për t’i dhënë më asnjë mundësi në të ardhmen.
“Fjalët që tha pas ndeshjes me Bodo Glimt ishin shumë të rënda për mua. Kanë shkatërruar përfundimisht Kumbullën, Darboe dhe Villar. Mourinho nuk do t’i llogarisë më këta futbollistë edhe kur të ketë nevojë për ta”,-tha ish-futbollisti.
Ndërsa duket se merkato e janarit ka për të vendosur për të ardhmen e shqiptarit, që para mbërritje se Mourinhos te Roma ishte një nga emrat kryesorë të ‘Verdhekuqve’./K.T/Gijotina.com
