Një aksident i rëndë është shënuar në Korçë, ku ka mbetur e plagosur një studente. Mësohet se, ngjarja ka ndodhur pranë Universitetit “Fan Noli”, ku një makinë me shoferin ende të paidentifikuar ka përplasur një vajzë e më pas është larguar nga vendi i ngjarjes.
Si pasojë, e reja ka mbetur e plagosur dhe është transportuar në spital për mjekim të specializuar.
Mësohet se ajo ndodhe jashtë rrezikut për jetën, ndërsa policia po punon për kapjen dhe identifikimin e shoferit. Ndërsa edhe më parë janë ngritur ankesa se ajo pikë aksit pranë universitetit është bërë shumë herë burim aksidentesh, por deri më tani nuk është marrë asnjë masë nga qeveria.
Ndërsa pritet kapja e autorit dhe dëshmia e tij për të zbuluar më shumë rreth ngjarjes.
