5 persona janë arrestuar nga Policia e Tiranës, për vepra të ndryshme penale, përfshirë shitjen e kokainës, dhunë në familje dhe drejtim mjeti në gjendje të dehur.
Forca e Posaçme “Shqiponja” në bashkëpunim me Seksionin e Narkotikëve bënë arrestimin në flagrancë të shtetasit E. S, 31 vjeç, pasi gjatë kontrollit fizik iu gjet dhe iu sekuestrua një sasi me lëndë narkotike kokainë. Gjithashtu u bë arrestimi në flagrancë i shtetasit M. A, 19 vjeç, pasi gjatë kontrollit të mjetit me të cilin qarkullonte, iu gjet dhe iu sekuestrua një armë të ftohtë.
Pak më vonë është raportuar se është vënë në pranga shtetasi F. N, 62 vjeç, pasi ka ushtruar dhunë fizike ndaj vajzës së tij. Nga specialistët për Hetimin e Krimit në Komisariatin e Policisë Nr.4 u kap shtetasi F. D, 18 vjeç, pasi është shpallur në kërkim nga DVP Lezhë për veprën penale “Dhënie ndihmë të paligjshëm të kufirit”. Iu kalua Drejtorisë Vendore të Policisë Lezhë, për veprime të mëtejshme.
Policia Rrugore bënë me dije se ka vënë në pranga një 35- vjeçar, pasi drejtonte mjetin në gjendje të dehur është përfshirë në një aksident me dëme materiale. Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
