Pas incidentit gjatë xhirimeve të filmit “Rust”, ku Alec Baldwin vrau kineasten dhe plagosi regjizorin e filmit Souza, ky i fundit ka bërë daljen e parë publike.
48-vjeçari është parë i ulur në sendiljen e pasagjerit të një makine të parkuar në rrugën Palo Alto, Kaliforni.Souza dukej i lodhur dhe i mërzitur, teksa shikohet duke mbuluar dhe fshirë sytë.Ndërkohë një grua e paidentifikuar ndodhej në sediljen e shoferit.
Vetëm disa ditë mëparë regjizori dha ngushëllimet e tij për kineasten dhe shprehu falenderimet për dashurinë që i ishte dhuruar.
“Jam i mërzitur nga humbja e shoqes dhe koleges sime, Halyna. Ajo ishte e sjellshme, e gjallë, tepër e talentuar, luftoi dhe gjithmonë më shtynte të bëhesha më i mirë. Lutjet e mia shkojnë për familjen e saj në këtë moment më të vështirë. Unë jam i përulur dhe mirënjohës i dashurisë që kemi marrë nga komuniteti ynë i filmbërësve, njerëzit e Santa Fe dhe qindra të huaj,” tha Souza.
Të dielën, një burim i afërt me Baldwns tregoi se aktori 63-vjeçar ishte absolutisht i shkatërruar nga fatkeqësia në xhirime dhe po anulonte projekte të tjera për të qenë me familjen e tij. Souza dhe drejtoresha 42-vjeçare e fotografisë së filmit, Halyna Hutchins, u shtruan në spital pasi u goditën nga një plumb i vetëm që u qëllua aksidentalisht në shesh nga Alec Baldëin. Asnjë arrestim nuk është bërë për këtë rast, por autoritetet të mërkurën refuzuan të përjashtonin nëse Baldëin mund të përballet me akuza penale.
