Një aksident tragjik ka ndodhur mbrëmjen e djeshme në Selanik të Greqisë, ku një 21-vjeçar ka përplasur për vdekje, një 47-vjeçar, i cili ishte baba i tre fëmijëve.
Mediat e huaja, raportojnë se i riu po drejtonte mjetin tip ‘Audi’ dhe po bënte gara me një makinë tjetër. Ai ka kaluar semaforin me të kuqe dhe pikërisht në këtë moment ka përplasur edhe 47-vjeçarin, i cili po lëvizte me motor.
Ky i fundit ka ndërruar jetë në ambulancë teksa po dërgohej në spital.
Mësohet se 21-vjeçari shqiptar, nuk kishte as leje drejtimi, ndërkohë në momentin që ka përplasur motorin ka lënë makinën dhe është larguar nga vendngjarja.Përplasja ka qenë aq e fortë sa që motori i viktimës u nda në dy pjesë ndërsa copat u gjetën deri në 200 metra larg vendit të aksidentit.
Sipas mediave greke, shqiptar fillimisht është larguar me vrap nga vendi i ngjarjes ndërsa më pas është rikthyer ku edhe i janë vënë prangat nga policia greke.
