Kriza e Juventusit pritet të reflektohet me përforcime në merkaton e janarit. Drejtuesit e skuadrës së bardhezinjve kanë deklaruar se në afatin kalimtar të merkatos së ardhshme do të ketë disa ndryshime për të përforcuar ekipin. Flitet për Axel Witsel për të cilin ‘’ Zonja e Vjetër ‘’ nuk pati fat në verën e kaluar dhe në janar do të tentojë me çdo mjet për ta transferuar belgun në Torino.
Skuadra ka treguar shumë oshilacione të cilat duhet të largohen në të kundërt do të rrezikohet edhe pjesëmarrja në Champions League. 32 vjeçari konsiderohet një lojtarë kyç për Borussia Dortmundin që nuk pritet të heq dorë kollaj nga shërbimet e futbollistit belg. Mesfushorit i përfundon kontrata në fundin e këtij sezoni dhe mund të largohet nga Gjermania me parametra zero nëse drejtuesit e verdhezinjve nuk e lejojnë të ndryshojë ambient në janar. Tek Juventus ai konsiderohet shumë i rëndësishëm pas probleme në repartin e mesit të fushës.
