Conte ka arritur një marrëveshjen me Tottenham dhe do të jetë në Londër në orët e ardhshme për të filluar punën, të paktën kështu raporton ‘Sky Sport Italia’.
Ndeshja e parë e Contes në krye të ‘Spurs’ do të jetë të enjten kur skuadra e Premier League do të presë Vitessen në Conference League.
Sipas po të njëjtës media italiani është gati të marrë drejtimin e skuadrës së Londrës Veriore. Ai duhet të bie dakord vetëm për disa detaje të kontratës përpara se të fluturojë për në Mbretërinë e Bashkuar, ku pritet sot ose nesër.
Më tej mësohet se palët ende nuk kanë rënë dakord për kohëzgjatjen e kontratës së Conte dhe tekniku italian mund të nënshkruajë një marrëveshje një vit e gjysmë me Tottenham.
Megjithatë, sipas raportimeve nuk ka dyshime për të ardhmen e trajnerit. Ish-mesfushori është i destinuar të bëhet trajneri i ri i Tottenham-it.
Conte gjithashtu mund të kalonte te Manchester United, por ‘Djajtë e Kuq’ vendosën të mos shkarkonin Ole Gunnar Solskjaer, kështu që italiani arriti një marrëveshje me Spurs./K.T/Gijotina.com
