Pas përfundimit të hetimeve SPAK ka kaluar dosjen e kreut të Mallakastrës, Qerim Ismailajn, për gjykim në GJKKO, pasi akuzohet për falsifikim të formularit të dekriminalizimit.
Vitin e kaluar pas denoncimit të Partisë Demokratike se kryetari i bashkisë Mallakastër, Qerim Ismailaj, rezultonte i dënuar për veprën penale “plagosje me dashje”, prokuroria nisi hetimet.Ismailaj ishte dënuar në shkurt të vitit 2000 në shtetin grek, por sipas PD-së nuk e kishte deklaruar në formularin e dekriminalizimit.
Lidhur me këtë akuzë, kreu i bashkisë Mallakastër, i dalë nga zgjedhjet e 30 qershorit 2019, mohoi gjithçka duke thënë se nuk ishte në dijeni lidhur me këtë dënim, pasi në të kundërt do t’a kishte deklaruar vet ai në formular.
PD argumentoi në kërkesën e saj se Ismailaj nuk mund të ushtrojë funksionin e tij, pasi ka integritetin e duhur për të ushtruar funksione publike, sepse nuk reflektoi në formularin e dekriminalizimit dënimin që ka pasur në Greqi me tre vite burg në mungesë për veprën ‘Konflikti dhe Përleshja’.
Megjithatë, për KQZ, kjo nuk përbënte një vepër penale të rëndë, ku në legjislacionin shqiptar dënohet maksimumi me gjobë, ndaj kryebashkiaku nuk ndodhet në kushtet e ndalimit.
