Më 1 nëntor rrjeti social WhatsApp do të bllokohet përfundimisht në disa Iphone dhe celularë android.
Të gjithë përdoruesit e këtyre aparateve, duhet të përditësojnë sistemin operativ për të fituar sërish aksesin në përdorimin e këtij rrjeti mesazhesh, ose në rastin më të mirë të blejnë një smartphone të ri.
Ky ndryshim pritet të prek më shumë se 50 modele të ndryshme celularësh, në të cilët nuk do të funksionojë më WhatsApp.
Për përdoruesit e Android, do të duhet të përdorin sistemin operativ 4.1 e më të ri nëse dëshirojnë të përdorin WhatsApp. Ndërsa për përdoruesit e iPhone do të duhet të kenë sistemin IOS10 ose më të ri.
