Imazhet e liderëve botërore, në ditën e parë të samitit të OKB-së për ndryshimet klimatike kanë shqetësuar mediat sociale, pasi më shumë se një udhëheqës e ka zënë gjumi gjatë samitit. Joe i fjetur”, siç e ka quajtur Donald Trump, mbylli sytë dhe dremiti në karrige për të paktën 22 sekonda derisa njëri nga ndihmësit u afrua dhe i pëshpëriti diçka në vesh.
“Biden shkon në Europë për të thënë se ngrohja globale është prioriteti i tij numër një, dhe e zë gjumi, aty në mes të konferencës, ku e sheh e gjithë bota. Asnjeri që ka entuziazmin dhe beson në një qëllim të caktuar, nuk mund të bjerë në gjumë”, ka shkruar Trump.
Por përveç Joe Biden edhe kryeministrin britanik e ka zënë gjumi. I ulur pranë Sir David Attenborough dhe Sekretarit të Përgjithshëm të OKB-së Antonio Guterres, kryeministri britanik shihet që gjatë gjithë kohës me sy të mbyllur dhe pa maskë.
Konferenca COP26 ne Glasgow u përshkrua si shpresa e fundit për veprime serioze kundër ndryshimeve klimatike.
