Trajneri i skuadrës së Milanit, Stefano Pioli ka kërcënuar rivalët e Interit në vigjilje të duelit të së dielës. Kreu i pankinës së kuqezinjve ka theksuar se përtej paraqitjeve të dobëta në Champions, kampionati është kompeticioni ku nuk kemi pësuar ende gol.
“Dje ne donim të bënim fitoren e parë në Champions por ishte e vështirë. Më duhet ta pranoj se nuk jemi të përgatitur për të luajtur në një kompeticion të ktillë. Duhet të përgatitemi më mirë për sezonin e ardhshëm.
Në Seria A po bëjmë shumë mirë. Jemi ende të pamposhtur dhe po zhvillojmë një lojë shumë të mirë. Të dielën është derbi i Milanos, shumë emocione gjithmonë përpara një ndeshje si kjo.
Ne do të përgatitemi, do jetë një ndeshje shumë e vështirë ndaj Inter-it, ata janë shumë të fortë.
Mendoj se Inter është favoriti kryesor për skudeton, por ne jemi Milan dhe nuk do ja bëjmë rrugën e lehtë. Të dielën do të tentojmë ti mposhtim, do jetë e vështirë por ne nuk do të dorëzohemi, duhet të jemi të përgatitur fizikisht dhe moralisht”, tha Pioli.
Discussion about this post