7 gjigandët e Europës, në garë për talentin e Monacos

Mesfushori 21-vjeçar i Monacos, Aurelien Tchouameni është një nga lojtarët më të pëlqyer nga gjigandët e futbollit europian.

Lojtari ka marrë vlerësime maksimale në dy vitet e fundit në kampionatin francez të Ligue 1 për shkak të paraqitjeve fantastike, duke u thirrur edhe nga Kombëtarja e Francës.

Mediat vendase në Francë po raportojnë së fundmi se garës për të nënshkruar me të i është shtuar edhe klubi i Manchester United.

United është i gatshëm të paguajë deri në 45 milionë euro për të marrë kartonin e mesfushorit nëse Paul Pogba do të largohet.

Deri më tani mësohet se të interesuar për të marrë talentin e Monacos janë Real Madrid, Juventus, Bayern Munich, Arsenal, Liverpool e PSG, gjë që nënkupton se do jetë një garë shumë e fortë./K.T/Gijotina.com