Kurba e të infektuarve me koronavirus në vendin tonë ka pësuar rritje ditën e sotme. Sipas të dhënave të publikuara nga Ministria e Shëndetësisë në 24 orët e fundit janë kryer 3700 testime, nga të cilat kanë rezultuar pozitivë 631 qytetarë, nga 570 të infektuar që u regjistruan një ditë më parë. Ndër të tjera, bëhet me dije se kanë humbur jetë 4 pacientë të moshave 60- 80 vjeç.
Sipas ministrisë, aktualisht në spitalet COVID po marrin trajtim 167 pacientë, nga të cilët 14 janë në gjendje më të rënduar, ndërsa janë 7,827 pacientë aktivë me Covid-19 në të gjithë vendin. Sakaq, bëhet me dije se në 24 orët e fundit janë shëruar 580 qytetarë, duke e çuar numrin e të shëruarve në 177,219 që nga fillimi i epidemisë. E.H/ Gijotina.com/
Discussion about this post