Ka përfunduar ndeshja e parë e raundit të tetë në Kategorinë e Parë midis Maliqit dhe Butrintit. Kjo ndeshje është mbyllur në paqe duke shënuar nga një gol secili prej ekipeve.
Ishin vendasit ata që zhbllokuan rezultatin dhe kaluan të parët në avantazh me golin e Ivanit në minutën e 8 të takimit.
Megjithatë ky avantazh nuk do të zgjaste shumë, pasi në minutën e 21-ë Hyska barazoi shifrat për Butrintin. Pjesa e parë u mbyll me rezultatin 1-1, ndërsa fraksioni i dytë i takimit nuk solli gola të tjerë duke bërë që Maliqi dhe Butrinti të dilnin nga kjo sfidë me nga një pikë secili.
Aktualisht Butrinti kalon në vendin e 6 të tabelës së Kategorisë së Parë me 11 pikë, teksa Maliqi ngrihet në pozicionin e 13 me 6 pikë.
Megjithatë janë ende pa u luajtur takimet e tjera, nga rezultatet e të cilave pritet të ketë sërish ndryshim në renditjen e kampionatit./K.T/Gijotina.com
Discussion about this post