Skënderbeu ‘agresiv’ kundër Kukësit, por rrjetat qëndrojnë të paprekura në Korçë

Kukësi i Longos udhëtoi në transfertë këtë fundjavë për tu përballur me Skëndërbeun në Korçë, ekip i cili në çdo takim lufton për mbijetesë.

Kukësi vjen në këetë takim me qëllimin  e vetëm për vazhduar serinë e fitoreve, pas suksesit kundër Vllaznisë dhe Dinamos.

Minuta e 11’ do të krijonte rastin e parë për zhbllokimin e sfidës nga ana e Skënderbeut ku goditja me kokë e Mensah nga topi i nisur nga një goditje dënimi, do të krijonte idenë e një goli, por topi përfundon jashtë rrjetës së Tafas.

Vazhdimi i pjesës së parë tregoi një mungesë dëshire nga të dyja skuadrat për të rrezikuar portat respektiva, për ta mbyllur në këtë mënyrë në barazim pa gola 45’ minutëshin e parë të takimit.