Glauk Olldashi, djali i të ndjerit Sokol Olldashi, ka qenë gjithashtu i pranishëm në “Foltoren” e ish-kryeministrit Sali Berishës në Tiranë me të rinjtë e FRPD.
Gjatë fjalës së tij, Olldashi tha se PD-ja nuk mund të vijë në pushtet me një parti të mbyllur, ndërsa tha se vetëm me hapjen e partisë do të frymëzohen shqiptarët për të votuar PD.
““Nuk dua të ndalem në problemet e brendshme që kemi në partinë tonë pasi janë shumë dhe janë diskutuar më parë. Ajo që dua të them është se duam të vijmë në pushtet për shqiptarët dhe për ta bërë Shqipërinë një vend të lirë. Jemi kudër një modeli socialist dhe autoritar. Ne që ta mundim këtë model autoritar nuk mund ta mundim me një PD autoritare. Duhet t’i ruajmë vlerat tona dhe t’i zbatojmë ato. Kam besimin se do arrijmë të hapim partinë dhe t’i përfaqësojmë demokratët kudo ku janë. Duhet të frymëzojmë të gjithë shqiptarët që të sjellim PD në pushtet. Nuk ka kush t’i përfaqësojë vlerat e PD sesa forumi i Partisë Demokratike”, deklaroi Glauk Olldashi.
Në nisje të fjalës, Berisha falënderoi të rinjtë e Forumit Rinor të PD dhe drejtuesit e tij për pjesëmarrjen në “Foltore”, dhe për qëndresën që kanë bërë përballë qeverisë në këto vite.
Discussion about this post