Presidenti i Serbisë, Aleksandar Vuçiç i pyetur nga gazetarët se si e komenton faktin se Serbia, Kosova, Mali i Zi dhe Bosnjë e Hercegovina nuk janë ftuar në Samitin për Demokraci që do të organizohet nga presidenti amerikan Joe Biden, tha se ai nuk dëshiron t’i prish marrëdhëniet me Rusinë, Kinën e vende të tjera për t’i bërë lajka dikujt për t’u futur në listë.
“Të gjithë kanë të drejtë të thërrasin dhe ta vlerësojnë demokracinë e të tjerëve si të duan”, tha Vuçiç.
Ai theksoi se detyra e tij është t’i ndihmojë qytetarët e Serbisë, “e jo Amerikën apo ndonjë shtet tjetër”.
Mediumi amerikan, POLITICO ka zbuluar një listë që dëshmon mungesën e Kosovës, Serbisë dhe Bosnjë-Hercegovinës mes shteteve të ftuara për Samitin për Demokracinë, të organizuar nga Presidenti amerikan, Joe Biden.
Për dallim prej këtyre të triave, vende tjera të rajonit si Shqipëria, Mali i Zi, Kroacia dhe Maqedonia e Veriut gjenden në listën e të ftuarve.
Në një deklaratë të 11 gushtit, Shtëpia e Bardhë njoftonte organizimin e një “Samiti për Demokracinë” më 9-10 dhjetor. / Gazeta Ekspres
Discussion about this post