Clarence Seedorf ka kritikuar mesfushorin Kessi i cili nuk po rinovon me skuadrën e Milanit për shkak të kërkesave të larta ekonomike. Holandezi i bën apel futbollistit në fjalë të rinovojë kontratën me kuqezinjtë.
“Franck ka të drejtë të kërkojë të gjithë paratë që dëshiron, sikurse klubi ka të drejtë të mos pranojë dhe të mbajë ekuilibrin e tij.
Unë mendoj se Franck duhet të vendosë karrierën si primare, më vonë të përpiqet të përfitojë sa më shumë në aspektin ekonomik.
Kessie ka bërë shumë mirë me Milanin, por në ndeshjet e fazës së grupeve në Champions League renditen të fundit dhe nuk më rezulton të jetë shfaqur vendimtar në fitimin e titullit kampion.
Sot ka fare pak lojtarë të pazëvendësueshëm. Sigurisht që Kessie është i rëndësishëm për Milanin dhe do bënte mirë të vinte karrierën në plan të parë, jo paratë.
Klubi nuk ka shumë gjëra në dorë, mund ta lejojë lojtarin të largohet dhe të marrë një tjetër për ta zëvendësuar.
Shpresoj që ndikimi i agjentëve të zvogëlohet dhe Kessie të marrë një vendim të mençur në fund të kësaj historie”, përfundoi Seedorf.
Discussion about this post