Në diskutime e sipër për fondin e Ministria e Shëndetësisë, Erion Braçe ka shpërthyer në akuzua ndaj qeverisë, duke thënë se në spitalet Rajonale nuk vihet dorë. Këtu ai mori shembull Spitalin e Lushnjës, duke thënë se gjendja e këtij institucioni është skandaloze. Sipas tij është e kot që thuhet se po vihet një fond i madh për shëndetësinë ku një rreth i madh si Lushnja, nuk ka kushte spitalore normale.
“E thashë para pak ditës për koncesionet në shëndetësi. ¾ e koncesioneve në shëndetësi të rishikohen. Nuk duhet të paguajmë një set me 40 instrumente, kur përdoren 2 dhe të paguhet paketë e plotë. Sa më efektive të jenë. Nuk do hyj në këto histori ça do bëni atje dhe këtu. Për rrethin e Lushnjës, konsiderohet spitali si spital bashkiak, Lushnja është më i madh se qarku i Kukësit, Dibrës, Gjirokastrës, rrethi i Lushnjës është më i madh se bashkia e Fierit. I gjithë ky rreth nuk mund të marrë vetëm shërbime të urgjencës. Nuk është si bashkitë e tjera”, tha ai.
Në debate e sipër, Braçe tha se ka vizituar nga afër spitalin në Lushnje dhe bie dakord me deklaratën e deputeti Alfred Korreshi, se atje të hante vërtet miu, aq rëndë ishte situata. ‘Për shkak të punës dhe natyrës së punës në këtë rreth, spitali funksiononte në kushte atmosferike në verë dhe dimër, në fushë të hapur. Për shkak të sëmundjeve të trashëgueshme dhe sëmundjet e gjakut kanë zënë vendin e parë. Te ajo poliklinika të hante vërtet miu, nuk u kujtua njeri derisa u bë nga e para. Ashtu siç janë zgjidhur dhe problematikat e tjera, ashtu do zgjidhet dhe spitali atje”, u shpreh Braçe. Sakaq, ai i bëri thirrje qeverisë që mos shtojë më fondet për shëndetësinë, se ato para po i hanë koncesionet dhe asnjë investim real nuk duket në terren. E.H/ gijotina.com/
Discussion about this post