Seanca gjyqësore paraprake në Gjykatën e Lezhës për 5 personat e akuzuar për përdhunimin e 15-vjeçares në Mirditë, ka dështuar sërish.
Shkak për shtyrjen e seancës u bënë vonesat në nisjen e gjyqit ç’ka solli largimin e dy avokatëve. Avokati Gëzim Ndoj thotë se nuk ka asnjë provë që i implikon për personat në këtë çështje dhe gjithçka është e sajuar.
Seanca gjyqësore është caktuar të mbahet më 16 nëntor, ndërsa gjatë ditës së sotme jashtë ambienteve të Gjykatës ishin familjarë të të gjithë të akuzuarve.
Sakaq avokati i abuzuesëve ka pretenduar se nuk ekziston ende asnjë provë që të çojë në pranga 5 personat.
“Ekspertiza mjekoligjore? Nuk ka rezultuar që vajza të jetë abuzuar, nuk ekziston një video, është vetëm thjesht kallëzimi i babait të të miturës i cili i referohet vetëm thënieve të të miturës. Nuk ka asnjë video aq më pak të jetë shantazhuar nga të pandehurit”, ka deklaruar ai.
Ai ka përfunduar se do të kërkohet pushimi i çështjes pasi sipas tij është një hetim i paplotë dhe është kryer në nxitim e sipër dhe prokurori e ka mbyllur në një afat shumë të shkurtër.
Discussion about this post