Të shtëna me armë zjarri në Gjilan, 1 i vdekur dhe 1 i plagosur

Një person është vrarë dhe një tjetër ka mbetur i plagosur pak çaste më parë në Gjilan.

Mediat atje raportojnë për një konflikt mes disa personave ku është regjistruar një viktimë. Policia bën me dije se kemi të bëjmë me një vrasje me armë zjarri.
Uniformat blu janë vendosur në vendin e ngjarjes dhe po hetojnë shkaqet.

Deri më tani dyshohet se ka qenë një konflikt i çastit i cili më pas ka degjeneruar në përdorimin e armëve të zjarrit. Grupi hetimor ka bërë mbledhjen e provave materiale në vendngjarje si dhe po këqyret zona nëse ka kamera sigurie.
Këto të fundit do t’i vinin në ndihmë hetuesve për të pasur një dinamikë të plotë të ngjarjes.