Ditën e djeshme një banesë në Gjirokastër është përfshirë nga flakë masive, ku humbën jetën dy të moshuar. Ngjarja ka ndodhur në fshatin Hllomo të bashkisë Dropull në Gjirokastër. Fshati Hllomo ndodhet rreth 3 orë larg nga Gjirokastra dhe infrastruktura rrugore është tejet e vështirë dhe amortizuar, kjo ka bërë që zjarrfikësit të shkojnë me vonesë në vendngjarje, pa mundur të shpëtojnë të moshuarit Sikur duket dhe nga pamjet e siguruara nga Gijotina.com banesa është shkrumbuar e tëra dhe çdo cep i saj është përfshirë nga flakët. Zjarri ka qenë në përmasa të mëdha sa orenditë e shtëpisë dhe muret dhe çatia shtëpisë janë djegur tërësisht.
Tashmë në banesën kur jetonin prej shumë kohësh të vetmuar Fotini dhe Irakli Panajoti 84 vjeç, kanë mbetur vetëm rrënojat dhe gjithçka tjetër është shkatërruar. Të moshuarit u dogjën brenda shtëpisë të dy pavarësisht se tentuan të dilnin, por pamundësia fizike për të dalë shpejt, dera e mbyllur kanë bërë që ata të asfiksohen dhe të humbin jetën menjëherë.
Discussion about this post