A do lini zyrën nëse ju shkarkojnë? Meta ia plas të qeshurës: Duhen 2/3 për të më shkarkuar

Gjatë konferencës me gazetarët, Presidenti Ilir Meta është pyetur nga gazetarët në lidhje me faktin nëse do të lirojë zyrën nëse shkarkohet nga Gjykata Kushtetuese. Duke e marrë me sportivitet pyetjen, ai ka qeshur me të madhe dhe theksoi se për presidentin Kushtetuta cakton një mbrojtje të veçantë, ndërsa shtoi se për ta shkarkuar atë duhen 2/3 e votave.

“(Meta qesh me të madhe) ..kjo ishte një pyetje e mrekullueshme. E jashtëzakonshme. Ky institucion ka qenë çdo ditë dhe çdo sekondë në shërbim të popullit të Shqipërisë. Presidenti, që ta dini mirë, se ju e dini. Se s’keni nevojë për të kuptuar se si ka qenë situata, presidenti ka një mbrojtje të veçantë nga Kushtetua e Republikës. Jo rastësisht. Ai është kreu i shtetit dhe garanti më i lartë i Kushtetutës. Duhen 2/3 për ta shkarkuar, që mos të bëhet një noter i qeverisë dhe një skllav i pushtetit. Dhe Kushtetuta e thotë shumë qartë se presidenti vetëm për shkelje të rënda të Kushtetutës dhe kryerjen e një krimi të rëndë, këto janë ato që kanë të bëjnë me tradhti ndaj atdheut”- tha Meta.

Më tej Meta tha se është ngritur një proces pasi s’ka tradhtuar asnjë proces dhe se ai do të monitorojë mbrojtje kombëtare dhe çështje të shenjta.