Interi do të përballet ditën e nesër me Victoria Plzen në grupet e Champions League, takim që do të nisë që nga ora 21:00.
Në prag të këtij takimi, trajneri Simone Inzaghi ka dhënë lajmin e madh për tifozët zikaltër, teksa sulmuesi, Romelu Lukaku është gati për ditën e nesërme.
“Ditën e shortit e dinim që nuk kishim shumë fat por do të luanim shanset tona. Nesër kemi një shans të madh para tifozëve tanë, por do të gjejmë një ekip që po dominon kampionatin e tij dhe do të duhet të jemi të kujdesshëm.
Vitin e kaluar kishim një situatë të ngjashme, këtë vit ndodh e njëjta gjë dhe duhet të përfitojmë nga rasti. Do të ishte shumë e rëndësishme të fitonim nesër, për të realizuar qëllimin e parë të sezonit”.
A do të kthehet Lukaku në skuadër? “Ai dhe Gagliardini do të kthehen. Brozovic është ende disa ditë larg, do të shohim nëse mund të përshpejtojmë. Ai po punon dy herë në ditë për t’u rikthyer shpejt”, përfundoi ai.
Discussion about this post