Në një deklaratë për mediat në Lushnjë, kreu i Grupit Parlamentar të PS Taulant Balla, është pyetur në lidhje me përzgjedhjen e presidentit të ri. Pyetjes nëse a janë gati për të miratuar një president nga PD, Balla tha se mjafton që të mos jetë një zgjedhje si ajo e Ilir Metës.
“Mendoj që një president nga opozita, sikurse ishte Ilir Meta ishte zgjedhja më e gabuar. Sikurse ne e kemi thanë që nuk duam një president nga PS. Mendoj një president i mirë duhet të jetë një president që të pranohet nga të gjithë shqiptarët, sepse kështu e ka përcaktuar kushtetuat. Presidenti përfaqëson unitetin e popullit. Besoj i keni ndjekur sondazhet. Një president që ishte udhëheqës i një partie të opozitës ishte udhëheqësi më i keq në 30 vite”, u shpreh.
Ndërkohë Balla ka kujtuar edhe ish-deputetin e PS, Fatmir Xhindi, i vrarë 13 vite më parë. Ai tha se presin që të gjitha institucionet ligjzbatuese të bëjnë detyrën e tyre. Sipas tij, kaluar shumë kohë dhe që përgjegjësia rritet ndaj atyre që duhet të bëjnë detyrën për këtë krim.
Discussion about this post