Kreu i grupit parlamentar të PS, Taulant Balla ka komentuar në një deklaratë për mediat primaret e ish-kryeministrit Berisha për 6 marsin dhe zgjatjen e organeve të Vettingut.
Balla u pyet nga gazetarët se nëse kandidatët nga primaret e Berishës, do të jenë kundërshtarët e PS në zgjedhjet e 6 Marsit. Me vetëm një fjali, Balla i cilësoi si non grata, duket ironizuar pozicionin e ish-kryeministrit Berisha në raport me SHBA
“Këtu do përgjigjem personalisht, non grata mbetet non grata, produktet që vijnë nga non grata, mbeten të tilla”, tha Balla.
Sa i përket zgjatjes së mandatit të organeve të Vettingut, Balla deklaroi se kjo nuk është një iniciativë që i shërben Partisë Socialiste, por është një domosdoshmëri.
“Mendoj që zgjatja e mandatit të organeve të Vettingut nuk është një çështje e bindjeve politike, por një çështje që ka të bëjë me çuarjen përpara të një prej shtyllave kryesorë të Reformës në Drejtësi. Pa Vettingun nuk do të kishim sot një drejtësi të pastruar. Kështu që iniciativa për shtyrjen e mandatit të organeve të Vettingut nuk është për PS, por është një domosdoshmëri, ndaj dhe të gjithë duhet të jemi në sallën e Kuvendit dhe ta votojmë. Kaq”, u shpreh socialisti.
Discussion about this post