Kreu demokrat Sali Berisha tha se Erion Veliaj i ka bërë gropën Arben Ahmetajt lidhur me hetimin për inceneratorët.
“A do të jetë i gatshëm Arben Ahmetaj të shkojë si qeni në vreshtë për Erion Veliaj? Këtë nuk e di, koha do e tregojë, por Erion Veliaj ka frikë se ai nuk do të shkojë. Ndaj dhe Veliaj po ushtron presione të tmerrshme ndaj të gjithë sistemit të drejtësisë”, tha Berisha.
Ish-Kryeministri tha se ka akuzuar më shumë se kushdo tjetër Arben Ahmetajn, por ajo që po ndodh është e papranueshme.
“Çfarë po bëjnë këta, po paraqesin aferën e inceneratorëve si biznesin familjar të Ahmetajt duke dashur që ti arrestojnë ish-gruan dhe bashkëjetuesen. Po kjo është e papranueshme”, tha Berisha, duke akuzuar Erion Veliajn se është i përfshirë në aferën më të madhe korruptive.
Sipas ish-Kryeministrit, Veliajn ngado që ta sjellësh, është i implikuar, ka firmën e tij.
Discussion about this post