Në një prononcim për mediat kreu i grupit parlamentar të PS Taulant Balla u pyet nga gazetarët nëse ish-ministri i Financave Arben Ahmetaj është i përfshirë në aferën e inceneratorëve. Pas kësaj, Balla dha një përgjigje të shkurtër, ndërsa shtoi se kjo është një punë e drejtësisë dhe nuk dëshironte të komentonte çështje që janë nën hetim.
“Kuvendi ka dhënë mendimin e vetë në Komisionin e Posaçëm. Qëndrimi i është dhënë SPAK. Nuk është imponuese por është një opinion. Media duhet të respektojë pavarësinë e prokurorisë. Drejtësia do ti shkojë deri në fund kësaj çështje. Çdo ndërhyrje nga ana jonë nuk i bën mirë pavarësisë. Mendoj që duhet të lemë drejtësinë të bëjë punën e vet. Është pushteti i medias nuk është i pakufizuar. Nuk komentojmë çështje që janë në hetim. Kur ngrihet një akuzë, çoja prokurorisë gjykatës që ta hetojnë. Ky duhet të jetë standardi. Gjyqin në demokraci ta bën drejtësia.”, tha Balla.
Gjithashtu Balla foli për kallëzimin që ka bërë PS-ja në lidhje me paratë ruse, që i ka përdorur PD-ja në lobimet e saj. Sipas tij, kjo çështje është e faktuar dhe e gjithë skema del nga shërbimet inteligjente amerikane që konfirmojnë këtë gjë.
“Ka një akuzë nga PS prej disa vitesh për paratë ruse të hyra në llogari të PD, për fat të keq nuk ka një njoftim nëse kjo çështje po hetohet dhe kjo është e drejta ime që të kërkoj të hetohet”, tha ai.
Discussion about this post