“A kam plumba në kokë?”/ I shpëtoi atentatit në maj, ky është viktima e “qitjes” në Milot

Personi në foto është Klisman Preçi i cili humbi jetën si pasojë e një atentati mafioz.
Klisman Preçi i cili ndërroi jetë mbrëmjen e sotme si pasojë e plagëve të marra gjatë atentatit në Milot, i ka shpëtuar pak kohë më parë një tjetër atentati. Mësohet se atentati i sotëm pason atentatin e ca kohë më parë, ku Klisman Preçi u qëllua po në të njëjtin vend.
Klisman Preçi i shpëtoi mrekullisht një atentati të ndodhur në maj të këtij viti, ku shënjestër ishte i afërmi i tij Blerim Preçi. Në pamje shihen kalimtarë të cilët i ofrojnë ndihmë. Gjithashtu dëgjohet teksa Preçi pyet nëse ka marrë plumba në kokë, i traumatizuar dhe i gjakosur.

Qytetari: Eja vrap tek lokali se thirra mjekun, thirra dhe policinë.
Blerim Preçi: A kam plumba n’ kokë.
Qytetari: Jo jo s’ke gjë.
Një makinë në ecje ka qëlluar në drejtim të Preçit, i cili po udhëtonte në një mjet tip Mercedes Benz ‘ML’. Atentati i dështuar pati shënjestër Blerim Preçin nga Miloti, teksa në makinë ka qenë edhe i afërmi i tij, Klisman Preçi.