Abazoviç bën një marrëveshje me Aleksandër Vuçiçin, ja detajet

Kreu i Qeverisë së Malit të Zi, Dritan Abazoviç, ka realizuar vizitën e tij të parë në Beograd si shef i qeverisë malazeze. Ai është pritur nga homologia e tij, Ana Bernabiç, derisa pas saj e ka takuar edhe shefin e shtetit serb, Aleksander Vuçiç.

Pas takimit me Vuçiçin, Abazoviç ka njoftuar se kanë arritur një marrëveshje, dhe se nga 1 korriku nuk do të ketë më ndalesa për deputetët e Kuvendit të Malit të Zi nëpër kufijtë e Serbisë.

“Nga 1 korriku nuk do të ketë më ndalime për deputetë të Kuvendit të Malit të Zi gjatë hyrjes në Republikën e Serbisë. Faleminderit Aleksandër Vuçiç për qasjen miqësore. Po hapim horizonte të reja për bashkëpunim në të ardhmen”, ka shkruar Abazoviç në Twitter.

Od 1. jula više neće biti zadržavanja poslanika @SkupstinaCG prilikom ulaska u Republiku Srbiju. Hvala @avucic na prijateljskom pristupu. Otvaramo nove horizonte buduće saradnje. pic.twitter.com/zrQer6QrjW

— Dr Dritan Abazovic (@DritanAbazovic) June 29, 2022