Mali i Zi do të mbështesë anëtarësimin e Finlandës në NATO. Këtë e ka bërë të ditur kryeministri i Malit të Zi, Dritan Abazovic i cili është shprehur sot se vendi i tij e mbështet kërkesën e Finlandës për t’iu bashkuar në NATO-s.
“Është në interesin e përbashkët që Evropa të jetë e fortë dhe e bashkuar në mbrojtjen e vlerave të qytetërimit. Ne presim mbështetje edhe më të madhe nga Finlanda në përpjekjet tona për t’u bërë vendi i parë anëtar i BE-së”- tha Abazoviç në një takim me ambasadorin finlandez në Podgoricë Kim Lahdevirt.
Mali i Zi, i pavarur që nga viti 2006 kur u shkëput nga Bashkimi me Serbinë me anë të një referendumi, u bashkua me NATO-n si vendi i 29-të anëtar në qershor 2017, pavarësisht kundërshtimit të fortë nga Rusia.
Vendi i fundit që iu bashkua Aleancës Atlantike ishte Maqedonia e Veriut.
Discussion about this post