Kryeministri i Malit të Zi, Dritan Abazoviç po zhvillon vizitën e tij të parë zyrtare me postin e ri në Serbi, ku edhe do të qëndrojë për dy ditë. Paraditen e sotme ai është pritur nga homologia serbe, Ana Brnabiç një pritje solemne në përballë pallatit “Serbia”. Ndërsa në aeroportin e Beogradit “Nikola Tesla”, ministri i Punëve të Jashtme të Serbisë, Nikola Selakoviç.
Gjatë takimeve me zyrtarë të ndryshëm të vendit, temat kryesore të bisedës do të jenë lidhjet ekonomike dhe infrastrukturore, si dhe bashkëpunimi praktik mes dy vendeve. Po sot, Abazoviç do të takohet me presidentin Aleksandër Vuçiç dhe kryeparlamentarin Ivica Daçiç.
Mbledhja e delegacioneve të Qeverisë së Serbisë dhe Qeverisë së Malit të Zi është planifikuar për në orën 10.45, pas së cilës do të dalin edhe në deklarata për mediat.
Discussion about this post