8 persona janë arrestuar sot nga Prokuroria e Posaçme Kundër Korrupsionit dhe Krimit të Organizuar Tiranë. Sipas njoftimit të publikuar, SPAK ka arritur të sigurojë prova të mjaftueshme, të cilat tregojnë se 6 zyrtarë dhe 2 pronarë të kompanive private kanë abuzuar me tenderin që kap vlertat e 7 milionë lekëve.
Ndër të tjera bëhet me dije se, procedurat e tenderit i përkasin periudhës maj – qershor 2020, me vlerë të fondit limit prej 7 083 000 lekë (pa TVSH), për të cilin janë evidentuar shkelje ligjore, te kryera nga shtetasit Adriatik Velaj, Muhamet Likazhiu dhe Artan Taho. Sipas informacioneve këta shtetas janë punonjës të bashkisë dhe kanë shpërdoruar detyrën për të dhënë tendera me porosi për kompanitë e 2 pronarëve të arrestuar.
Gjithashtu dyshohet se, shtetasit Albion Bushi, Lulzime Rami dhe Riza Sulaj,, administratorë, ortakë dhe punonjës të shoqërive R&R Group sh.p.k. dhe Klosi – R Company sh.p.k., kanë falsifikuar në bashkëpunim, parashikuar nga neni 186 paragrafi i dytë i K.Penal, për të marrë pjesë në procedurat e këtij tenderi.
Bazuar në kërkesën e Prokurorisë së Posaçme, Gjykata e Posaçme e Shkallës së Parë Për Korrupsionin dhe Krimin e Organizuar Tiranë, me vendimin nr. 90 akti datë 28.10.2021, ka vendosur: Caktimin e masës së sigurimit “arrest në burg” për shtetasit Adriatik Velaj, Muhamet Likazhiu, Artan Taho, Kastriot Beqaraj, Indrit Matmuja, Gjergj Markola, Riza Sulaj, Lulzime Rami, Albion Bushi.
