“Abuzimi për një analizë më shumë se 11 mijë lekë”, Vokshi: Gati padi të reja për Nushin, Ramën dhe..

Albana Vokshi, e cila është paditur nga Nushi për shpifje, para mediave ka paraqitur provat që sipas saj, provojnë akuzat e ngritura ndaj biznesmenes.

Deputetja demokrate deklaroi se “Vilma Nushi kishte kontratë për ndërtimin e 20 laboratorëve me akses publik, dhe të gjithë qytetarët të kishin akses të afërt për analizat. Janë ndërtuar 3 në pronën e saj private pa akses publiku që nuk i mbetet asgjë publikut.”

Vokshi u shpreh se në kontratën koncensionare të lidhur mes qeverisë dhe Vilma Nushit për analizat e chek-up, vetëm për një prej tyre, sipërmarrësja i merr shtetit 18 mijë lekë nga taksat e qytetarëve për një analize që kushton 7 mijë lekë.

Pra, tha ajo, abuzimi për një analizë është më shumë se 11 mijë lekë.

“E kam denoncuar që në momentin kur ka qenë duke u hartuar koncensioni, mënyra se si ishte hartuar, për t’ia dhënë mikeshës së Edi Ramës. E kam denoncuar që kur u dhanë 111 mijë pagesa chek up që s’ishin kryer fare. E kam denoncuar në Prokurorinë e Përgjithshme që më 2016, e kam kallëzuar përsëri në SPAK kur u krijua dhe me insistimin tim e të opozitës, unë do vijoj ta denoncoj për një nga aferat më abuzive e korruptive në shëndetësi.

Koncension që ka abuzime në çdo hap të tij. Edhe pse s’më lanë të jap provat që kam, prokurori kërkoi ndërprerjëen e  seancës.

Jam sot këtu për të dëshmuar kush është shëndetësia falas që Rama premtoi më 2013. Një nga provat që dëshmon abuzimin marramëndës të kontratës së check up, Vilma Nushi kishte në kontratë për të ndërtuar 20 laboratorë me akses publik, për të bërë analizat. Jo vetëm, që s’ka bërë 20, por 3 i ka bërë në pronën e saj private dhe pjesën më të madhe 10 prej tyre i ka nënkrontratuar. Ka shkelur kontratën.

Nushi i përdor këto laboratore si prestanome, 50 mijë lekë të vjetra dhe thotë për çdo analizë do të jap 600 lekë pa Tvsh, me Tvsh do të jap 740 lekë. Janë bërë 3.9 mln analiza, me pagesë analizash, shteti i paguan 4,3 mld lekë. Do vijoj herën tjetër për në dt 24 prill. Sot që flasim se afati i check up ka përfunduar në mes të janarit dhe Nushi paguhet edhe pse s’ka amendim kontrate. Kemi kallëzuar edhe Nushin, Manastirliun, Ramën e Beqajn, më 11 maj kjo merr fund, marrin fund koncensionet abuzive e korruptive. Çdo para e abuzuar nga ata do t’i kthehet qytetarëve shqiptarë.