Deputeti i Partisë Socialiste Erion Braçe ka bërë vazhdimisht opozitë të fortë kundër qeverisë, dhe të njëjtin qëndrim kundërshtues po mban edhe për rritjen e çmimeve. Para Kuvendit, Brace foli i irrituar kur tha se rritja e naftës është abuzive, ndërsa sulmoi qeverinë duke thënë se mund të bëhet diçka për uljen, ndryshe nga sa thotë Rama.
Braçe tha se ka shkëputur çfarëdolloj kontakti me Autoritetin e Konkurrencës, që prej kohës që ky institucion nuk bëri asnjë hetim në lidhje me rritjen e njëkohshme të çmimit të miellit nga të gjitha bizneset.
“Problemi është çfarë u mjafton njerëzve jo mua. Unë eci dhe në këmbë, po qytetarët. Unë mendoj se po, ka mekanizma për uljen e çmimit të naftës. Unë jam kundër, politika fiskale nuk bëhet në rrugë. Përgjegjësinë sociale për shtresat në nevojë për bujqit për shtresën e mesme duhet ta mbaj shteti, jo tregtarët. Nuk do ti bashkohem protestës së qytetarëve. Ka aty njerëz që kanë dhënë kontribut domethënës në grabitjen e burimeve të gazit dhe naftës. Ka hajdut banal aty dhe ju si pyesni sepse tani bëjnë si civilistë. Me autoritetin e Konkurrencës unë kam ndërprerë çdo lloj marrëdhënie. Përgjegjësia është e tyre. Të rritet çmimi nga darka në mëngjes me 40 lekë dhe autoriteti i Konkurrencës të rri të bëj sehir kjo është e papranueshme, abuzive!”, tha Braçe.
Discussion about this post