Kabul Hunda abuzuesi famëkeq, emri i të cilit u bë publik disa ditë më parë për rastin e abuzimit seksual me një të mitur që kishte lidhje gjaku në Gjirokastër, është lënë në masën e sigurisë “arrest me burg” 45 ditë.
Gjatë seancës së zhvilluar ditën e sotme, 53-vjeçari ka qenë i vetëm në sallën e gjyqit dhe asnjë nga familja e tij nuk ka qenë prezent.
Në prezencën e avokatit të caktuar nga shteti, 53-vjeçari e ka deklaruar veten të pafajshëm dhe sipas tij këtë e di gjithë Libohova.
“Jam shumë i qetë se në përfundim do dalë tjetërkush i akuzuar për një vepër të stisur”, është shprehur Hunda.
Vetë ky deklaroi se 16-vjeçaren e ka trajtuar si vajzën e tij pasi janë pjesë e një familjeje dhe në asnjë rast nuk ka pasur tentativa për të kryer ndonjë marrëdhënie intime.
“Jam i bindur që pas kryerjes së analizave në trupin e 16-vjeçares, do zbulohet ADN e një tjetër personi që është 32 vjeç nga Libohova”, u shpreh Hunda.
Abuzuesi dhunoi seksualisht një 16-vjeçare, për 4 vite rresht.
16-vjeçarja e abuzuar shfaqi probleme të rënda me shëndetin dhe në këto kushte është detyruar të rrëfehet me nënën e saj, e cila edhe pse e papunë nuk kuptoi dot kurrë për 4 vite rresht se vajza e saj abuzohej rregullisht.
Burime për gijotina.com gjendja e 16-vjeçares tashmë është më e stabilizuar, por vazhdon të qëndrojë ende në ambientet e patologjisë në spitalin rajonal të Gjirokastrës.
Discussion about this post