Kryetari i Bashkisë së Tiranës, ankimoi në Apel, vendimin e Gjykatës Administrative, e cila refuzoi të shqyrtojë padinë për pavlefshmërinë e dekretit të emërimit të prokurorit Ols Dado, që ka në dorë çështjen penale ndaj Erjon Veliajt.
Në një njoftim publik, Veliaj thotë se gjykata nuk i dha përgjigje nëse mund të jetë prokuror në detyrë një person i emëruar në kundërshtim me kriteret ligjore.
“Gjykata e mbylli çështjen për mungesë legjitimimi, pa shqyrtuar në themel faktin se, në momentin e emërimit në vitin 2008, Ols Dado nuk kishte përfunduar Shkollën e Magjistraturës. Përballë pretendimit se pushteti penal i shtetit mund të jetë ushtruar për vite mbi bazën e një akti juridikisht të pavlefshëm, Gjykata zgjodhi të mos e verifikojë fare këtë pretendim”, thuhet në reagimin e Veliajt.
Veliaj thotë se ndodhet në paraburgim prej 18 muajsh pa vendim gjykate fajësie dhe po gjykohet për dyshimet e ngritura ndaj tij, duke ngritur paralelisht pyetjen, se përse prokurori që ka ushtruar këtë pushtet penal duhet të mbetet jashtë kontrollit të një gjykate për të zbuluar nëse e ka fituar ligjërisht statusin dhe kompetencën për të vepruar si prokuror
Kryebashkiaku thekson se kjo çështje shkon përtej interesit individual, por lidhet me shtetin e së drejtës dhe faktin që prokurorët dhe gjyqtarët “nuk duhet të përjashtohen nga kontrolli gjyqësor i ligjshmërisë së titullit mbi të cilin ushtrojnë pushtetin e tyre.”
Kujtojme se paralelisht vazhdon ne Gjykaten e Posacme gjyqi ndaj Erion Veliajt dhe te tjereve, te akuzuar per korrupsion dhe pastrim parash. Mbrojtja e tij nuk eshte perqendruar tek akuza, por tek procedurat dhe kunder prokurorit Ols Dado.
gijotina.com/
Discussion about this post