Komisioni i Prokurimeve Publike i ka rrëzuar tenderin 100 milionë lekë Erion Veliaj për ndërhyrje në varrezat e Tufinës. Ky projekt është kthyer në një gangrenë të madhe zvarritjesh dhe abuzimesh. Që në fakt është denoncuar nga Gijotina.com që nga dita e parë që tenderi u firmos. Ky tender ka nisur në shkelje dhe vetëm pas denoncimeve KPP mori masat e duhura.
Bëhet fjalë për prokurimin me objekt “Zgjerimi i hapësirave të varrezave publike Tufinë”, Kontratë me vlerë 100 milionë lekë. Ky prokurim u mor pa garë fare nga bashkimi operatorëve “GLAVENICA” shpk & “NGRACAN 1934”. Pasi Veliaj i përjashtoi të gjitha ofertat e tjera dhe la vetëm ofertën e këtyre firmave, lidhi kontratë me firmën e preferuar.
Me 26 dhjetor një nga firmat e shkualifikuara “Dajti Park 2007” SHPK e denoncoi tenderi pranë Komisionit të Prokurimeve. Bashkia e ka skualifikuar denoncuesin me justifikimin se nuk ka deklaruara punonjës që mund ta përmbushin këtë shërbim. Gjithashtu shkak për skualifikimin është bërë fakti se operatorët duhej të paraqisnin që kanë bërë punime jo të ngjashme në ndërtim, por specifike punime në varreza.
Për këtë pikë, KPP ka konstatuar se është një kriter diskriminues dhe pengon konkurrencën e lirë.
Ndërsa tregon më poshtë se kompania që denoncon ka dorëzuar të gjithë dokumentin e nevojshëm. Madje ka bërë deklarimet edhe për dy firmat e tjera që do ta mbështesin ato. Duke shprehur se në këtë kriter firma “Dajti Park 2007” është korrekt.
“Komisioni nga shqyrtimi i dokumentacionit të dorëzuar në sistemin e prokurimit elektronik nga operatori ekonomik “Dajti Park 2007” SHPK, konstaton, se ky i fundit ka paraqitur Formularin Përmbledhës të Vetëdeklarimit, ku në Pjesa I, pika B, është dhënë informacion mbi subjektet mbi kapacitetin, e të cilëve do të mbështetet operatori ekonomik “Dajti Park 2007” SHPK.
Konkretisht, tek operatoret ekonomikë “Pastrime Silvio” SHPK; “Altec” SHPK dhe “Senka” SHPK. Konstatohet se ky i fundit, për operatorin ekonomik “Pastrime Silvio” SHPK, si subjekt mbi kapacitetin e të cilit do të mbështetet, ka paraqitur Formularin Përmbledhës të Vetëdeklarimit të operatorit ekonomik “Pastrime Silvio” SHPK , si dhe një deklaratë se “Për subjektin “Pastrime Silvio” SHPK. Këtu nuk ekzistojnë shkaqet për skualifikim ose përjashtimin e tij nga procedura”, thuhet në vendimin e KPP.
Gjithashtu, Komisioni vlerëson se përvojat e mëparshme të ngjashme në këtë fushë të paraqitura nga ankimuesi qëndrojnë. Duke shtuar këtu se ata janë anashkaluar pa të drejtë nga Autoriteti Kontraktor.
Në këtë pikë, pasi ka analizuar çdo detaj të ankesës dhe dokumentet e tenderit, KPP ka vendosur ta anulojë këtë prokurim. Duke dalë në përfundimin se kemi të bëjmë me shkelje të konkurrencës, fitues të paracaktuar dhe kritere burokratike, KPP i kërkon Bashkisë Tiranë të ndryshojë sa më shpejtë procedurat. Dhe të rivlerësojë ofertat e paraqitura.
Lexo edhe: Denoncohet tenderi/ Aferat e Veliajt dhe Eljodor Ndinit me varrezat
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post